त्रिभुवन विश्वविद्यालय कृषी र पशुविज्ञान अध्यन संस्थानमा प्राध्यापनरत रहँदै सडक दुर्घटनाबाट दिवंगत हुनुभएका स्वर्गीय डा॰गोविन्द रिजालकी धर्मपत्नी डा शान्ता कार्कीले  “ डा गोविन्द रिजाल प्राज्ञिक कोष” निर्माण गरी रु १०,२५००० (अक्षेरुपी रु दश लाख पच्चिस हजार) स्मृतिकोषलाई हस्तान्तरण गर्नु भएको । उक्त स्मृतिकोषवाट त्रिवि कृषि र पशुविज्ञान अध्ययन संस्थान अन्तर्गत संचालित कृषी स्नातकोत्तर तहमा सर्वोत्कृष्ट अंक ल्याई उत्तिर्णहुने १ जना विद्यार्थीलाई डा गोविन्द रिजाल प्राज्ञिक उत्कृष्ट पदक  प्रदान गरिने छ ।

२०८१।११।०९ गते त्रि.वि उपकुलपतिको कार्यालय कीर्तिपुरमा आयोजित “डा गोविन्द रिजाल प्राज्ञिक कोष ” स्थापना गर्ने कार्यक्रममा  त्रिभुवन विश्वविद्यालयका तर्फवाट रजिष्ट्रार प्रा.डा केदार प्रसाद रिजाल र स्वर्गीय डा गोविन्द रिजालकी धर्मपत्नी डा शान्ता कार्कीले  दानदातव्य कोषमा योगदान तथा कोष परिचालन सम्वन्धी सम्झौतामा हस्ताक्षर गर्नुभएको हो । कार्यक्रमलाई संक्षिप्त सम्वोधन गर्नुहुँदै रजिष्ट्रार प्रा.डा केदारप्रसाद रिजालले दिवंगत डा गोविन्द रिजालको स्मृतीमा स्थापित कोषको अधिकतम सदुपयोग गर्ने बताउँदै परिवारजनले विश्वविद्यालयलाई देखाएको विश्वास र स्नेहप्रति कृतज्ञता व्यक्त गर्नुभएको थियो । कार्यक्रममा त्रिवि उपकुलपति प्राडा केशरजङ्ग बराल, शिक्षाध्यक्ष प्राडा खडग के॰सी, कृषी र पशुविज्ञान अध्ययन संस्थानका डीन प्राडा किशोरचन्द्र दाहाल,त्रिवि योजना निर्देशनालयका निर्देशक डा लक्ष्मीकान्त शर्मा लगायतको उपस्थिति रहेको थियो ।