त्रिभुवन विश्वविद्यालय प्राणीशास्त्र केन्द्रीय विभागमा राष्ट्रीय प्राथमिकता प्राप्त अनुसन्धान परियोजना अन्तर्गत " Evidence- Based Monkey Management in Nepal : Integrating Wildlife Ecology and Socioeconomics to Indetify the Drivers of Human-Monkey Conflicts and Its Potential Solutions" शीर्षकको अनुसन्धानको प्रारम्भिक कार्यशाला (Inception workshop) सम्पन्न भएको छ ।

प्राणीशास्त्र केन्द्रीय विभागका कार्यरत प्रा.डा लक्ष्मण खनाल मुख्यअनुसन्धानकर्ता रहनुभएको उक्त अनुसन्धानमा सहअनुसन्धानकर्ताको रुपमा डा.सुभाष घिमिरे र डा.विपिन कुमार आचार्य रहनुभएको छ। मुख्यअनुसन्धानकर्ता प्रा.डा लक्ष्मण खनालले अनुसन्धानमा मानव र बाँदर विचको द्बन्द्बको प्रभाव, उक्त द्बन्द्बका कारण सिर्जित पर्यावरणीय, आर्थिक र सामाजिक पक्षका बारेमा केन्द्रीत रहने बताउनुभयो। अनुसन्धानमा बाँदरका कारण सिर्जना भएको भनिएका बसाईंसराई, बालिनालीमा परेको असर, बाँदर नियन्त्रणका परम्परागत र आधुनिक उपायहरु, बाँदरको संख्या र वितरण, बाँदरहरुको जनसाङ्खिक अध्ययन समेत गरी मानव र बाँदरविचको द्बन्द्बका मुख्य कारण र समाधानका उपायहरुका बारेमा अनुसन्धानमा आधारित नितिगत सुझाव विश्वविद्यालय मार्फत नेपाल सरकारलाई बुझाउने बताउनुभयो।

अनुसन्धान निर्देशनालयवाट जारी गरिएका प्राज्ञिक एवं वैज्ञानिक अनुसन्धान सम्वन्धित सवै पक्षहरु समेटेर गरिने उक्त अनुसन्धानमा पुरै नेपाललाई अध्ययनको क्षेत्र बनाईएको छ भने अनुसन्धानका क्रममा सरोकारवाला कृषक, वनक्षेत्रका विशेषज्ञ, कृषी क्षेत्रका विशेषज्ञ, आर्थिक सामाजिक तथा पर्यावरणिय क्षेत्रमा विज्ञहरुसँग घनिभूत अन्तरक्रिया र मुख्यद्बन्द्बरत क्षेत्रहरुको अवलोकन सर्भे गर्ने र तथ्याङ्क विश्लेषण गर्ने साथै समयभित्रै अन्तराष्ट्रीय ख्यातिप्राप्त अनुसन्धान जर्नलमा अनुसन्धान शीर्षक सँग सम्वन्धित अनुसन्धान लेख प्रकाशित योजना रहेको छ ।अनुसन्धानमा मुख्यअनुसन्धानकर्ता र सहायक अनुसन्धानकर्तासँगै १ जना विद्यावारिधि शोधार्थी र ३ जना स्तानकोत्तर तहमा अध्ययनरत विद्यार्थीहरु पनि संलग्न रहनेछन ।  प्राणीशास्त्र केन्द्रीय विभागमा आयोजित प्रारम्भिक कार्यशालामा अनुसन्धानलाई व्यवहारिक र औचित्यपूर्ण बनाईं नीतिगत तहमा समेत प्रभावकारी बनाउन त्रिवि अनुसन्धान निर्देशनालयका निर्देशक प्रा.डा ईश्वर कोइराला, अनुसन्धान समितिका सदस्य प्रा.डा नरेन्द्र खनाल, प्राणीशास्त्र केन्द्रीय विभागका विभागीय प्रमुख प्रा.डा कुमार सापकोटा, पूर्व विभागीय प्रमुख प्रा.डा तेजबहादुर थापा,  ख्यातिप्राप्त बाँदरविद् प्रा.डा मुकेश कुमार चालिसे, राष्ट्रिय निकुञ्ज तथा वन्यजन्तु संरक्षण विभागका वरिष्ठ पर्यावरणविज्ञ हरीभद्र आचार्य, कृषि, वन तथा पर्यावरण मन्त्रालयका उपसचिव जिवराज पौडेल, मानव बन्यजन्तु द्बन्द्ब व्यवस्थापन  टास्कफोर्सका संयोजक होम बहादुर क्षेत्री, सरंक्षणविज्ञ अशोक सुवेदी, काठमाडौं फरेष्ट्री कलेजमा कार्यत डा. झमक बहादुर कार्की, वन तथा भू-संरक्षण विभागमा कार्यरत सूचना अधिकारी सवनम पाठक लगायतले महत्वपूर्ण सुझाव दिनुभएको थियो ।